తుషారపు జల్లులు కావవి

తుషారపు జల్లులు కావవి మంచి ముత్యపు చినుకులు
మంచుదిబ్బల్లు కావవి మలచని పరుపు దొంతరలు
పిల్లగాలిపిలుపులు కావవి గండుకోయిలల పలుకులు
నీలిమబ్బువిరుపులు కావవి నింగిన మెరిసిన తారకలు
పక్షుల కిలకిలరవములు కావవి పసిపాప నవ్వుల కేరింతలు
పచ్చని పసిరికలు కావవి తడిసిన పసిడివన్నెల కాంతులు
మదినూహించినవి కావివి మదినిడిన దృశ్యమాలికలు
మధురోహలతో లిఖించిన అదృశ్య వర్నవీచికలు